Evoluir

Publicado: 15/10/2015 em Enquisa, Lusismo
18

Esta é unha palabra admitida no portugués, mais que non está admitida nin no galego nin castelán. A forma correcta nesas 2 linguas é evolucionar. Porén, e esta é unha opinión persoal, “evoluir” é unha palabra moi bonita é que encaixaría perfectamente no galego. Polo tanto, na miña opinión, habería que admitir “evoluir” no canto de “evolucionar”. Cal é a vosa opinión verbo disto?

comentários
  1. Anônimo disse:
    15/10/2015 às 21:27

    Evoluir, é moito mais fermosa que evolucionar. Esta, é mais semellante ó castelán, porén, evoluir, debería ser galeguizada.

    Curtido por 1 pessoa

    Responder
  2. Anônimo disse:
    15/10/2015 às 22:41

    Evoluir non leva til no i?

    Curtir

    Responder
  3. Anónimo disse:
    16/10/2015 às 18:25

    Se vos gusta que esta páxina faga enquisas deste tipo, é posíbel que faga máis enquisas así, preguntándovos como debería ser pra vós o galego. E tomara as nosas voces sexan escoitadas.

    Curtir

    Responder
  4. A nai disse:
    18/10/2015 às 11:42

    evoluir é legitimamente galego:
    http://sli.uvigo.es/ddd/ddd_pescuda.php?pescuda=evoluir&tipo_busca=lema

    Outra cousa é que nom seja español nem galeñol

    Curtir

    Responder
    • Anónimo disse:
      18/10/2015 às 12:30

      Tamén só aparecen en 2 dicionarios antes da normalización lingüística (1983). De feito, se buscas, tamén aparece “fror” e “primaveira”, que non sei porque non é normativo e decidíronse por “flor” e “primavera”.
      O que si é verdade é que “evoluír” ten tódalas condicións pra ser lexitimamente galego, e a RAG debería admitir esta palabra no canto de “evolucionar”.
      E por “galeñol”, a que te refires, ó gastrapo ou ó galego da RAG?

      Curtir

      Responder
  5. O neno das augas disse:
    21/10/2015 às 22:31

    Evoluir é un galicismo, presente no portugués. Evolucionar é a forma tradicional do portugués, de
    “evolução”, e que aínda que está nos dicionarios xa se usa pouco. De verdade que non vexo a necesidade de introducir ese galicismo no galego, cando temos a forma propia en uso pleno.

    Curtir

    Responder
    • Anónimo disse:
      22/10/2015 às 16:34

      O de “evolução” descoñecíao, grazas por achegar ese dato. En todo caso, “evolução” en galego é “evolución” e evolución si que hai que mantelo. Eu estou falando de “evoluir” e “evolucionar”, claro que tamén se podería admiti-los dous verbos. Só estou falando dos verbos.

      Curtir

      Responder
    • A nai disse:
      23/10/2015 às 22:17

      Melhor “evoluir” que “evolucionar”, porque nos aproxima do português, e nos arreda do castelám (língua que está a nos absorber). De resto, “evoluir“ está registado nos dicionários galegos tradicionais …

      Curtido por 1 pessoa

      Responder
    • Anónimo disse:
      22/10/2016 às 19:49

      +O neno das augas Pois entón, admitamos “evoluír” como sinónimo de “evolucionar”. Non hai necesidade de que “evolucionar” deixe de estar admitido, certo. Mais tampouco hai necesidade de non admitir “evoluír”. É certo que evoluir provén do francés évoluer, mais cantas palabras hai na nosa lingua que proveñan do francés? Entón, tampouco terían que estar admitidas os galicismos chalé, elite, filete, garaxe, hotel, marioneta, menú, peluche, tonel, xoia…. Tampouco hai necesidade de dicir “Tour de Francia” ou “Giro de Italia”, porque non dicimos “Volta á Francia” ou “Volta á Italia”?
      Evolucionar vén do latín evolutione+ar. Como xa che dixen antes, poden seren admitidos os 2 verbos; non hai necesidade de admitir só evolucionar e descartar a evoluír, e facer coma se non existise esa palabra. Na miña opinión, tanto evoluír coma evolucionar terían que estar admitidos.

      Curtir

      Responder
  6. Alexandre disse:
    22/10/2015 às 01:19

    Non entendo o porqué de falar do castelán para decidir a terminoloxía galega. Debemos mirar primeiro para a nosa propia lingua moderna, e segundo para as outras variantes do noso sistema lingüístico (portugués de Portugal e portugués do Brasil). É un erro deixar que o castelán afecte máis á nosa lingua, xa que por achegamento mete castelanismos e por distanciamento hiperenxebrismos, e ambas as cousas deterioran a nosa lingua.

    Se queredes falar do castelán, entón falade tamén do resto de linguas neolatinas, para que só inflúa ao mesmo nivel que o francés, o catalán, o romanés, o occitano ou o italiano.

    Curtir

    Responder
    • Anónimo disse:
      22/10/2015 às 16:38

      Esa é a túa opinión e outros terán outra, por algo fago enquisas.
      En todo caso, tomarei nota pra artigos futuros (ou pasados) o de incluír outras linguas aparte do castelán, sobre todo a que incluirei será o latín, aínda que tamén pode se-lo grego ou o árabe nalgúns casos.
      Ademais, se ollamos pra Portugal e pró Brasil; vemos que están admitidos os termos evoluir e evolucionar, e o uso de evoluir está moi extendido. Polo tanto, a situación de evoluír está ben clara. Debe ser admitido.

      Curtir

      Responder
  7. Paulo disse:
    05/09/2017 às 08:43

    Eu sou muito interessado na língua galega, apesar de ser brasileiro, eu quero saber dos falantes de galegos, só por curiosidade, quais termos galegos possíveis em português que tu gostarias mais de ver em português? E se há alguma.

    Curtido por 1 pessoa

    Responder

Deixa o teu comentario